Kulturako, Hizkuntza Politikako, Hezkuntzako eta Kiroleko Alorrak hezkuntza sustatzen du bere eskumeneko maila desberdinetan, kultura sustatzeko jarduera guztiak bultzatu eta kudeatzen ditu, eta kirol-praktika sustatzen du herritarren artean.

 a) Kultura.

• Kultur Plan Estrategiko berri bat sortu eta bultzatzea, Iruñeko kultur aberastasuna bere eginen duena, oso-osorik.
• Iruñeko kultur bizitasuna sustatzea, azpiegiturak sorturik eta kalitatezko ekoizpenak programatuta.
• Kultura sustatu eta hedatzea, Iruñeko hizkuntzetan lan eginda.
• Kultur ekipamenduak sortu eta gizartearen partaidetza dinamizatzea.
• Hiriko espazioa zabaldu eta indartzea, kultur xedeei begira.
• Liburutegi publikoak eta irakurzaletasuna sustatzea.
• Argitara ematea Udalaren argitalpen zientifiko eta dibulgaziozkoak.
• Kolektibo profesionalen kultur jarduna indartu eta sustatzea.
• Hiriko kultur erakunde eta entitateen ekimenak, funtzionamendua eta partaidetza bultzatzea.
• Iruñeak berezko dituen gizarte- eta kultura-jarduerak sustatzea, hala nola Sanferminak eta ekitaldi tradizionalak.
• Jarduera-programak sustatu eta garatzea Civivox zentroetan, kogestioko guneak egituratzeko xedeari helduta.
• Sormena sustatu eta arte plastikoen, antzerkiaren eta musikaren adierazpen garaikideak hedatzea.
• Programazio artistikoa koordinatzea, Gayarre Antzokia Fundazioaren bidez.
• Udalaren arte-ondarea handiagotzeko bultzada.
• Artista gazteen sustapen profesionala, haiei bereziki zuzendutako lehiaketak antolatuta.

b) Hizkuntza Politika.

•  Euskararen erabilera eta sustapenaren normalizazio-jarduketak sustatzea.
• Lankidetzan aritzea, elkarrekin lanean, euskararen inguruan ari diren kolektiboekin.
• Giza-baliabideak zein bitarteko materialak ezartzea, euskaldun guztien hizkuntza-eskubideak bermatzeko.
• Jarduketak sustatzea euskara ikusgarri egiteko.

c) Hezkuntza.

• Mantentze- eta sustatze-lanak hezkuntza-instalazioetan: ikastetxe publikoak, Musika Eskola, etab.
• Ikastetxe publikoak diren eraikinen kontserbatze-, mantentze- eta zaintze-lanak.
• Instalazio horiek eskolaz kanpoko orduetan erabiltzeko koordinazioa.
• Herritar guztiei zuzendutako hezkuntza-programak garatu eta sustatzea.
• Ikastetxeek garatzen dituzten jarduerak sustatu eta guraso-elkarteei (IGE) haien zereginetan laguntzea, diru-laguntzen edo programa berezien bitartez.
• Lankidetza unibertsitateekin.
• Araubide bereziko musika-irakaskuntzaren sustapena eta Joaquín Maya Musika Eskolaren kudeaketa.
• Alor honi Iruñeko Haur Eskolen Erakunde Autonomoa atxikirik egotearen ondoriozko eginkizunak.

d) Kirola.

• Udalaren kirol-instalazioen mantentze- eta sustatze-lanak.
• Adin eta mota orotako herritarren jarduera fisikoa bultzatzeko proiektuak sustatu eta abiaraztea.
• Kirol-programak eta -ikuskizunak garatzea.
• Lankidetza kirol-entitateekin.
• Kirol-emanaldien sustapena.