Udal-ordenantzak betetzea

2013an, 1.405 salaketa jarri ziren, udal-ordenantzak hausteagatik; aurreko urtean, berriz, 1.220 izan ziren. Gehienak eremu publikoan txiza egiteagatik jarri ziren (720) eta ondotik, tarte handira, eremu publikoan desordenak eragiteagatik (214). Atzetik, bestelako arau-hausteak izan ziren, hala nola zaborrak edota objektuak botatzea (79), agintaritzaren aginduak ez obeditzea (65) edota kartelak paratzea (45).

Aisiako guneen kontrola

Iruñeko Udaltzaingoak, asteburu guztietan, aisiako guneak kontrolatzeko sistema abiatzen du, auzoei eragindako trabak ahalik eta gutxienak izate aldera. Kontrol horren ondorioz, 155 salaketa jarri zitzaizkien ostalaritza-establezimenduei (2012an, aldiz, 148), gehien bat ixteko ordutegia ez betetzeagatik (70), jarduera garatzeko arauak ez betetzeagatik (22) eta baimendutako edukiera gainditzeagatik (19).

Delituak eta arau-hausteak

2013an, 11.183 delitu eta arau-hauste gertatu ziren; hau da, aurreko urteko 9.928ak baino gehiago; gehienbat, arau-hausteen kopurua handitu zelako, proportzioan delituak baino gehiago igo baitziren.

DELITU MOTAK

Iruñeko Udaltzaingoak 871 atxiloketa egin zituen 2013an, delituak egiteagatik; haietariko 330 Trafiko Legearen kontrako delituengatik.  Era berean, Udaltzaingoak 415 estupefaziente-atzipen egin zituen, eta gehienetan marihuana atzeman zuten. Guztira 437 substantzia atzeman zituzte.