Iruñeko Udalak doako ikastaroak antolatzen ditu bizikletan ibiltzen ez dakiten edo beren trebetasunak hobetu nahi dituzten helduek bizikletan ibiltzen ikas dezaten eta mugikortasun seguruarekin lotutako ohiturak indartu ditzaten.
Ikastaroek 6 eta 8 ordu artean iraunen dute, asteko 4 arratsaldetan banatuta. Urteko garai desberdinetan eskaintzen dira, bereziki udaberrian eta udazkenean.
Hiru maila
- 1. maila. Hastapenak. Ikasi bizikletan ibiltzen
• Bizikletan ibiltzen ez dakitenendako.
• Zirkulaziorik gabeko zirkuitu itxia erabiltzen da bizikletan ibiltzeko.
• Edukia: bizikletaren segurtasunari buruzko egiaztapen orokorrak, bizikletatik igo eta jaistea, oreka dinamikoa zuzen ibiltzean, segurtasunez hasi eta gelditzea eta bizikleta joan nahi den tokira bideratzea.- 2. maila. Trebatzea. Bizikleta gidatzea
• Bizikletan ibiltzen jakin arren gidatzean kontrol handiagoa eduki nahi dutenendako.
• Zirkulaziorik gabeko zirkuitu itxia erabiltzen da bizikletan ibiltzeko.
• Edukia: balaztak eta martxak erabiltzea, distantziak kontrolatzea oztopo finko eta mugikorren aurrean, esku batekin gidatzea kontrolatzeko trebetasuna (seinaleztatu ahal izateko), larrialdiko geldialdiak, zirkulazio motela, bira itxiak, atzerantz begiratuz zuzen joateko trebetasuna.
- 3. maila. Bizikletan zirkulatzea. Zirkulatu bizikletan
• Bizikletan zirkulatu baina oraindik espaloietan ibiltzen direnendako.
• Hiriko gune lasaietan barna zirkulatzeko praktikak, benetako trafikoarekin.
• Edukia: kokapen bisuala, begiz eta entzumenez egiaztatzea, seinaleztapen eraginkorra, bidegurutzeetan ezkerrera eta eskuinera biratzea, arriskua hautematea eta oztopoak dauden kaleetan gidatzea.
• Parte-hartzaileek bizikleta ekarri beharko dute.