'BIZIZ' BIZIKLETENDAKO TXANDAKAKO APARKALEKUEN SAREA
APARKALEKUAK ERABILTZEKO MODUAK
Aurrez alta hartu behar duzu hemen edo Biziz aplikazioaren bidez (iPhone eta Android-erako eskuragarri). Sarbide-kode bat emanen dizute automatikoki. Behin zerbitzuan alta hartuta, 3 modu hauek daude aparkalekuetara sartzeko:
• Sarbide-kodearen bidez: sakatu zure kodea botoietan atea irekitzeko
• Telefono-deiaren bidez: deitu doan aparkaleku bakoitzean idatzita dagoen telefono zenbakira, alta hartzerakoan eman zenuen telefono mugikorretik. Komunikazio-seinalea entzundakoan, sakatu kanpaia duen botoia eta orduan zabalduko da atea
• Online: sartu Biziz aplikazioan,aukeratu interesatzen zaizun aparkalekua, eta sakatu “atea” dioen botoi biribila
TARIFA: 2 € HILABETEKO. ZER HARTZEN DU BARNE?
• Sareko edozein aparkalekutan aparkatzea, eguneko 24 orduetan eta asteko 7 egunetan hilabetean zehar
• Aparkaleku berean aparkatzea 48 orduz jarraian
• Bizikleta elektrikoa aparkatzea kargatzeko entxufea duten tokietan, kostu erantsirik gabe
ERABILERA ARAUAK
• 48 orduko aparkaldi jarraitua gaindituz gero, ordu bakoitzeko 0,50 € gehiago ordaindu beharko da
• Aparkaleku jakin batetik ateratzen zarenetik berriz ere bertara sartu bitartean gutxienez 10 minutuko tartea utzi behar da; bestela, ez da kontabilizatuko lehen irteera
• Sarean alta hartzea automatikoki berritzen da hilero. Bajaren izapideak web-orri honetan,La baja dedo Biziz aplikazioaren bidez (IPhone eta Android-erako eskuragarri) egin beharko dira
Kokapena
Aparkaleku guztiak
| IZENA | KOKAPENA | MOTA | LEKU KOP. |
| Ospitalegunea | Protomedikatoaren plaza (Bideko Ama Birjiña Ospitalearen eta Unibertsitate Klinikaren artean) | Txandakakoa | Txandakako 50 plaza |
| Iturrama | Ezkirotz kalea (Civivoxaren sarrera nagusiaren parean Eskirotz kaletik) | Txandakakoa | Txandakako 50 plaza |
| Mendebaldea | Antonio Pérez Goyena pasealekua (Liburutegi Orokorraren eta Goi-mailako Kontserbatorioren artean) | Txandakakoa | Txandakako 50 plaza |
| Zezen-plaza | Arrieta kalea (zezen-plazako aparkalekuaren sarreraren ondoan) | Txandakakoa | Txandakako 50 plaza |
| Yanguas y Miranda | Yanguas y Miranda kalea (autobus- geltokiaren parean) | Txandakakoa | Txandakako 50 plaza |
| García Ximénez kalea | García Ximénez kalea (autobus-geltoki zaharraren eta Corte Inglés merkataritza- gunearen artean) | Txandakakoa | Txandakako 50 plaza |
| Txantrea | Arriurdiñeta plaza (Txantreako Liburutegi Publikoaren atzealdean) | Mistoa | Bizilagunendako 30 plaza Txandakako 20 plaza |
| Donibane | Iratxeko Monasterioaren kalea (Ibarbideko parkea, Irrintzi dorrearen parean) | Mistoa | Bizilagunendako 40 plaza Txandakako 10 plaza |
| Europako plaza | Barañaingo etorbidea Iruña Park hotelaren parean | Txandakakoa | Txandakako 20 plaza |
| Taconera | Alde Zaharra, Taconera kalea, San Lorentzo elizaren parean | Txandakakoa | Txandakako 20 plaza |
| Berriozar | Euskal Herria Plaza | Txandakakoa | Txandakako 50 plaza |