Desinfektatu, desintsektatu, arratoiak hil eta usainak kentzeko lanak egiten ditu Desinfekzio-parkeak, hala lokaletan nola eremu publikoan, herritarrek eskaturik, udal-ordenantzek agindutakoa betetzeko edo ofizioz arituta. Printzipio orokor gisa, leku hauetan jarduten da desinfekzio-parkea: etxebizitza, ikastetxe, eremu publiko, hileta-auto, partikularren etxabe, azoka, bainu publiko eta abarretan.
Zerbitzu horien kostuari dagokionez, berriz, doakoa da arratoi-garbiketa zerbitzua. Gainerako zerbitzuak, berriz, herritarrek eskatutakoan ematen dira, eta dagozkien udal-tasak aplikatzen zaizkie.
Urtean bi arratoi-garbiketa kanpaina egiten dira, udaberrian eta udazkenean, batez ere kaleetako estolderia-erregistroetan eta ibaiertzetan. Halaber, urte osoan egiten dira eskatzen diren garbiketa guztiak eremu publiko, soto, etxabe, etxebizitza eta baratzeetan, bai eta behar diren berrikusketa guztiak ere.
Helbidea eta harremanetarako datuak
- Helbidea: Trinitarios z.g., beheko solairua - 31005 Iruña
- Telefonoak: 948-420994
- Jendaurreko ordutegia: astelehenetik ostiralera, 07:00etatik 14:00etara.