Nafarroako Udal eta Kontzejuen Federazioa (NUKF)

NUKF beren interes komunak babesteko eta sustatzeko borondatez elkartzen diren toki-entitateek osatutako elkartea da, bereziki Nafarroako Foru Eraentza Berrezarri eta Hobetzeari buruzko Lege Organikoak aitortutako toki-autonomia defendatzeko.
NUKFk lortu nahi du Nafarroako toki-entitateek Foru Komunitateko erakunde-bizitzan duten presentziak eta parte-hartzeak historian tradizioz izan duten garrantzia izatea.

NUKFREN XEDEAK:
Toki-autonomia defendatzea eta sustatzea.
Kolektibitateen eta toki-entitateen interesak ordezkatzea instantzia politiko eta administratiboen aurrean.
Tokiko bizitzaren arazoak ezagutzeko azterlanak sustatzea eta egitea.
Nafarroako herritarren eta bizilagunen artean toki-erakundeen ezagutza zabaltzea, haietan parte hartzea sustatuz.
Toki-entitateek eskatzen edo eskuordetzen dizkioten zerbitzuak ematea eta kudeaketak egitea, gai horretan indarrean dagoen araudiaren arabera.
Foru Komunitateko toki-eremuan europar espiritua garatzea eta sendotzea, toki-entitate guztien autonomian eta elkartasunean oinarrituta.