Iruñeko Udalaren Hiri Ekologiako Zerbitzua

Herritarren artean eta udal-administrazioan bertan ingurumen-kontzientzia aktiboa sustatzea.
Iruñeko ingurumen-aberastasuna eta haren aniztasuna ezagutaraztea.
Lehendik dagoen hirian natura txertatuko duen korridore ekologikoen sare bat sortzea.
Hiriko biodibertsitatea babestea eta hiriko natura-ondarea kontserbatzen laguntzea.
Udal-kontratuetan eta zerbitzu publikoen kudeaketan jasangarritasun-irizpideak txertatzea.
Auzokonpostajeko guneen sarea garatzen laguntzea eta bultzatzea.
Herri-baratzeen sarea garatzea eta kudeatzea.
Herritar guztiei zuzendutako ingurumen-hezkuntzako programak bultzatzea eta egitea, adingabeei ikastetxeen bidez eta helduei ere bai, Ingurumen Museoa edo beste tresna batzuk erabiliz.
Energia-eraginkortasuna sustatzea, bai udal-mailan bai herritarren artean.
Udalaren energia-kontsumoak kontrolatzea eta horrekin lotutako Udalaren ekimen guztietan parte hartzea (energia-hornidurako kontratuak, eraikinen mantentzea, eraikin berrien proiektuak...).
Herritarrek eta gizarte-eragileek energia berdea instalatzea erraztea (energia-aholkularitza).