Iruñeko Udalaren Agenda 21

Agenda 21 Nazio Batuen XXI. mendeko garapen jasangarrirako programa da, Rio de Janeiron 1992an egindako Ingurumenari eta Garapenari buruzko Konferentzian onetsia; bertan munduko tokiko komunitate guztiei beren Agenda 21 egitea eskatu zitzaien, Tokiko Agenda 21 bat.
Iruñeak Iruñeko Agenda 21 egiteko konpromisoa hartu zuen 1998an Jasangarritasunerantz doazen Europako Hirien Gutuna (Aalborgeko Gutuna) sinatzean.
Agenda 21 1999ko abuztuaren amaieran sortutako administrazio-unitatea da, Gobernu Estrategikoko, Hirigintzako, Etxebizitzako eta 2030 Agendako Alorrari atxikia.

HELBURUAK:
1Iruñeko Agenda 21 egitea koordinatzea (Agenda 21 proiektua egitea; 2000ko apirilean «Iruñeko Agenda 21» gizarte-partaidetzako foroa sortu zen, Iruñeko Agenda 21 egiteko prozesuan gizarteak parte hartzeko aholku-organoa; udal-hautetsiek, entitate publiko eta pribatuetako teknikari eta zuzendariek eta herritarren, auzokideen, kontsumitzaileen, erretiratuen, gazteen eta emakumeen elkarteetako ordezkariek, merkatariek -Alde Zaharra eta II. Zabalguneaeta kultur eta ingurumen-entitateek osatzen dute.
2Herritarrei ingurumeneko eta jasangarritasuneko gaiei buruzko informazioa eta sentsibilizazioa emateko jarduketak sustatzea eta antolatzea (San Pedro Ingurumen Hezkuntzako Museoa kudeatzea eta urteko ospakizunak egitea: Ingurumenaren Mundu Eguna).
3Udal-jarduketetan jasangarritasun-ikuspegiak txertatzea sustatzea (udal-zerbitzuetan ingurumen-irizpideak txertatzea programa hauen bidez: udal-kontratuetan ingurumen-irizpideak sartzea -«kontratazio berdea»-, udal-bulegoetan paper birziklatua erabiltzea eta udal-bulegoetako hondakinen gaikako bilketa).
4Iruñeko natura-ondarea eta hiriko biodibertsitatea babestea edo hobetzea helburu duten azterlanak eta jarduketak egitea.