Gizarte Kontseilua (NUP)

Gizarte Kontseilua gizarteak Unibertsitatean parte hartzeko kide anitzeko organoa da, eta Nafarroako erakundeen eta gizartearen eta Nafarroako Unibertsitate Publikoaren arteko lotura-elementu gisa jarduten du.

KIDEAK: hogeita bat kide.
Haietako seik unibertsitate-komunitatea ordezkatzen dute: errektoreak, idazkari nagusiak, kudeatzaileak, irakasle batek, ikasle batek eta administrazio eta zerbitzuetako langileen ordezkari batek.
Hamabost kidek Nafarroako gizarte-interesak ordezkatzen dituzte, honela banatuta: bost Nafarroako Parlamentuak gehiengo osoz izendatuak; bi Nafarroan ordezkaritza handiena duten sindikatuen proposamenez izendatuak; bi Nafarroan ordezkaritza handiena duten enpresaburuen elkarteen proposamenez izendatuak; bi Nafarroako gizarte-ekonomian ordezkaritza handiena duen erakundearen edo duten erakundeen proposamenez izendatuak; eta lau Hezkuntza Departamentuko titularraren proposamenez izendatuak.

EGINKIZUNAK:
Ekonomia-arloan, Unibertsitatearen aurrekontua onestea eta haren jarduera ekonomikoak gainbegiratzea.
Unibertsitatearen garapen instituzionalean, plangintza estrategikoan parte hartzea edo titulazio berriak abian jartzeko txosten lotesleak egitea.
Unibertsitatearen finantzaketan gizartearen lankidetza sustatzea.
Nafarroako Unibertsitate Publikoarekin lankidetzan aritzea Goi Mailako Hezkuntzaren Europako Esparru berria eraikitzeko.
Unibertsitatearen eta haren ingurune kultural, profesional, ekonomiko eta sozialaren arteko harremanak sustatzea, unibertsitate-kalitatearen zerbitzura.

LAN-ILDOAK: Unibertsitatearen helburu estrategikoak lortzera bideratutako ekonomia-, akademiaeta gizarte-harremanen esparruak.

KONTSEILUAK SUSTATUTAKO EKIMENAK:
Gizarte eta enpresa foroa.
Ekintzaileen kluba.
Gizarte Erakundeen Kluba.
NUPeko Finantza Kluba.
Ceo Club UPNA.
Ceo Club de Entidades Sociales.