ESKOLA-IBILBIDEAK
Amaiur ikastolak ikasturte honetan aurreko ikasturtean proiektu pilotu gisa abiatu zituen bi ibilbideak finkatu ditu, astearte eta ostegunetan funtzionatzen dutenak. Batek Iturrama auzoa zeharkatzen du, San Joan Bosco kaletik hasita (Rinaldi Multzoaren ondoan) eta Ezkirotz, Iturrama, Eneko Aritza eta Fuente del Hierro kaleetan barna iristen da ikastolara. Bestea Donibane auzoan hasten da, Azueloko Monasterioaren plazan, eta Baiona etorbidea eta Barañaingo etorbidea igaro ondoren Antso Azkarraren eta Pio XII.aren etorbideak gurutzatzen ditu Errioxa kaletik, Iturrama kalean barna ikastetxera heltzeko.
