COL3NATUR

COL3NATUR proiektua SUDOE programak % 75ean finantzatu du, eta klima-aldaketara egokitzen laguntzeko erronkari heldu dio, eraikinen, patioen eta eskolarako bideen birnaturalizazioaren bidez. SUDOE eskualdeak (Iberiar Penintsula eta Frantzia hegoaldea) tenperaturen eta bero-boladen muturreko klima-baldintzei aurre egin behar die, eta ondorioz, naturan oinarritutako irtenbideak txertatzeak eragin onuragarria du. 

Helburu nagusia da eraikinen, patioen eta eskolarako bideen birnaturalizazioa sustatu eta indartzea klima-aldaketara egokitzeko estrategia gisa, batez ere, tenperaturen igoerara eta bero-boladetara, bai eta muturreko gertakarietara ere, hala nola suteak, ganduak, lehorteak eta euriteak, eskolak eta eskola-inguruneak erresilienteago bihurtuz, eta ondorioz, horiek dauden herriak eta auzoak ere. 

Horretarako, estrategiak eta ekintza-planak erabiliko dira, eta kasu pilotuei aplikatutako metodologia eta tresna digitalak diseinatu eta garatuko dira, naturan oinarritutako irtenbideen ezarpenaren eraginkortasuna frogatu eta optimizatzeko, betiere SUDOE eremuko klima- eta hirigintza-baldintzak aintzat hartuta. Irtenbideen industrializazioaren ahalmenari etekina aterako zaio diseinu berdeak optimizatzeko klimari eta ingurune espezifikoari dagokienez.
 

• Nafarroako Unibertsitatea. ETSAUN Arkitektura Eskola. Eraikuntza, Instalazio eta Egituretako Departamentua (kide nagusia)
• Sevillako Unibertsitatea. Arkitektura Goi Eskola Teknikoa. Eraikuntza Arkitektonikoen I. Departamentua
• Universidade do Minho. Escola de Engenharia. Instituto para a Sustentabilidade e Inovação em Estruturas de Engenharia
• Energia, Ingurumen eta Teknologia Ikerketarako Zentroa. Energia Departamentua
• Iruñeko Udala
• Mairie de Bayonne
• Município de Vila Nova de Famalicão
• PETR Pays Tolosan
• Eslava y Tejada Arquitectos SL
• Larraby Electrónica y Comunicación S.L 

Iruñean honako jarduketa hauek eginen dira:

• Eskola bateko patioa birnaturalizatu eta aldez aurretik eta ondoren monitorizatzea.
• Ingurumen Hezkuntzako programa bat sortzea Haur eta Lehen Hezkuntzako ikastetxeetako hezkuntza-komunitatearendako, barne hartuta parte hartzeko prozesua ikastetxe batean.
• Eskolarako bide bat birnaturalizatu eta aldez aurretik eta ondoren monitorizatzea.
• Patioak eta bideak birnaturalizatzeko gidak egitea.
  
   

Laster igoko dira atal honetan COL3NATUR proiektuarekin lotutako berriak.