Delituak eta arau-hausteak

Iruñean, hiriko Udaltzaingoak, Foruzaingoak eta Polizia Kidego Nazionalak emaniko datu bateratuen arabera, 2015ean guztira 10.569 delitu eta arau-hauste egin ziren (12.214, 2014an); % 29 (3.109) arau-hausteak izan ziren, eta % 71 (7.460), delitutzat jo ziren. Kontuan hartu behar da zenbaki horretan urte osoko delituak zenbatuak daudela, baina arau-hausteak, berriz, ekainera arte baizik ez.

Atxilotuak eta inputatuak

Iruñeko Udaltzaingoak 123 lagun atxilotu zituen 2015ean, delitu hau edo hura egin zutelakoan. 2014an, berriz, 178.  Atxiloketek, nagusiki, ondarearen eta ordena sozioekonomikoaren aurkako delituekin izan zuten zerikusia, bai eta auzi judizialekin eta lesio-delituekin ere.  Hilez hil, uztailean izan ziren atxiloturik gehien (24), eta ondoren, maiatzean (18).

Inputatuei dagokienez, jaitsiera izan zen; hau da, 2013an, 71; 2014n, 94; eta 2015ean, aldiz, 51.  Honela banatuta

Substantzia estupefazienteak atzitzea

2015ean, Iruñeko Udaltzaingoak estupefazienteak atzitzeko 343 akta egin zituen; haietako batzuetan hainbat droga mota harrapatu zirenez, atzipen gehiago zenbatu ziren: 403 guztira. Akta gehienak marihuana-atzipenei buruzkoak izan ziren, eta ez zen estasi-atzipenik izan.  343 akta horietatik, 44 adingabekoei buruzkoak izan ziren; gehienak, marihuanak eraginda.  Guztira 2014. urtearen aldean, honela dago banatuta:

Udal-ordenantzak urratzea

Iruñeko Udalak eta Udaltzaingoak udal-ordenantzak betetzen ote diren begiratzen dute, hirian bizikidetza ona bermatzeko eta herritarren eskubideak nahiz ondasun publikoak errespetatzea ziurtatzeko. 2015ean, 1.206 salaketa jarri ziren udal-ordenantzak urratzeagatik; 2014an, aldiz, 1.064.  Eremu publikoan pixa egitea eta auzokideen atsedena trabatzen duten zaratak egitea izan ziren zehatutako portaera nagusiak.

Udal-ordenantzei egindako urraketa nagusiak:

Zirkulazio-salaketak

Udaltzaingoak 13.418 salaketa jarri zituen, gehienak (6.555) gaizki aparkatzeagatik edo abiadura handiegian joateagatik (3.373).  TAOko zaintzaileek, gainera, 27.280 salaketa jarri zituzten.

DGTra igorritako salaketak, haren eskumenekoak izateagatik

Ostalaritzako arau-hausteak

2015ean, ostalaritzan, 199 arau-hauste atzeman ziren; hau da, aurreko urtean baino 16 gutxiago. Gehienak establezimenduak ixteko ordutegia ez betetzeagatik (64). Ondoren, edaria kalera (50) edo terrazatik kanpo ateratzeagatik (18), musika 11:00etan baino lehen pizteagatik (17) eta baimendutako edukiera gainditzeagatik (16).

Garabiak ibilgailuak eramatea

Iruñeko Udalaren zerbitzu batek SMS bidez jakinarazten du udal-garabiak ibilgailua eramanen duela, gaizki aparkatuta egoteagatik.  Zerbitzuan 16.107 lagun daude alta emanik.  2015ean, 464 mezu bidali zituen, eta horri esker, garabiak ez zituen eraman 270 lagunen ibilgailuak. Alerten xedea da garabiak eremu publikotik ibilgailu gutxiago eramatea. Garabiak ibilgailuak eramaten ditu gaizki aparkatuta egoteagatik (zamaketa-lanen eremua, minusbaliatuei gordetako lekuak, oinezkoendako pasabideak, bidegurutzeak edota bigarren ilara) edota  aparkatze mugatuko eremua ez ordaintzeagatik (eremu urdina, laranja eta gorria). Doako abisu-sistema Iruñean ibilgailuz dabilen edo bertan aparkatzen duen lagun ororen eskura dago, haien ohiko bizilekua non dagoen alde batera utzita. 

Entzierroaren ordenantza urratzeak eragindako salaketak