Izotzari eta elurrari aurre egiteko larrialdi-plana 2025 / 2026

HELBURUAK:
Zerbitzu publiko eta pribatuen tokietara sartzea bermatzea. Bereziki ospitaleetara, osasun-zentroetara, markesinetara eta arrapaletara sartzeko bideak garbitzea.
Industrialdeetarako sarbidea erraztea, industria-jardueraren atzerapena eta geldialdia saihesteko.
Elikadura-, osasuneta energia-arloko oinarrizko produktuen zerbitzuak erraztea.
Bide nagusietan zirkulatzeko aukera ematea, bai erdigunean bai periferian.
Herritarrak izozteek eragindako istripu posibleetatik babestea (goialdeetatik elementuak, elur-blokeak, izotz-xaflak eta abar erortzea).
Larrialdietan behar bezalako laguntza ematea.
Lehentasunezko jarduketa behar duten egoerak konpontzea.
Izotza urtzeak hiria zeharkatzen duten ibaien mailan izan dezakeen eragina aurreikustea.
Teilatuetatik elurra erortzeko aukera eta eraikinen estalkietan eta behin-behineko instalazioetan elurra pilatzeko aukera aurreikustea, arrisku posibleak ezabatuz.

AURREIKUSITAKO BALIABIDEAK:
Gatz-erreserba Trinitarioseko gatz-biltegian, zentro publikoetan edo arriskuko tokietan banatzeko.
Gatz-zakuak banatzen dira ikastetxe, osasun-zentro eta ospitaleetan, gatza bildu ahal izan dezaten.
Elurra kentzeko ibilgailuak daude, gatza barreiatzeko gailuekin, baita Elur Planera egokitzen diren garbiketa-kontratako ekortzeko makinak eta beste ibilgailu batzuk ere, elurra kentzeko xafla jarrita edo espaloiak, eskailerak eta oinezkoen pasealekuak garbitzeko gatz-zakuak garraiatuta.