APP - Vive Pamplona - Iruña Bizi

Saltokiei fidelizazio-kanpainak eta sustapenak modu errazean abiarazteko aukera ematen dien tresna digitala da, kupoi elektroniko automatizatuen sistema bati esker.
Atxikitako establezimenduek appa deskargatzeko QRa duten kartelak eta biniloak dituzte erakusleihoetan, baita bezeroendako informazio-liburuxkak ere, kupoi-txartel baten bidez sustapenez baliatzeko apparen funtzionamenduari buruzko jarraibide zehatzekin.

Merkatariek hainbat aukera eskaini ahal izanen dituzte apparen bidez: erosketan bertan deskontu-kupoiak ematea, beren establezimenduko hurrengo erosketarako kupoiak sortzea, zenbateko edo kontsumo jakin batera iristeagatik opariak eskaintzea eta sustapen errepikakorrak ezartzea, hala nola elikaduraren edo ostalaritzaren sektoreetan, non bezeroek hainbat erosketa edo kontsumoren ondoren opari edo deskontuak jaso ditzaketen. Gainera, elkarteek beren merkataritza-eremuko establezimenduendako kanpaina esklusiboak abiarazi ahal izanen dituzte, eremu bakoitzerako bezeroendako sustapen erakargarri eta pertsonalizatuak sortuz.

SARBIDEA ETA ERABILTZEKO MODUA: erraza eta doakoa da. Bezeroak interesatzen zaizkion establezimenduen deskontuedo sustapen-kupoiak hautatu eta apparen kupoi-txartelean gordetzen ditu; establezimendura joaten denean, kupoi-txartelaren barra-kodea erakutsi besterik ez du egin behar, eta establezimenduak mugikorretik edo saltokiko terminal batzuetatik (Caja Rural de Navarrakoak) trukatu ahal izanen du, bere aplikazio laguntzailearekin.
DESKARGA: iOSerako (Apple Store) eta Androiderako (Play Store) eskuragarri.
PARTE-HARTZAILEAK: hiriko 500 saltoki elkartuko ahalmena; gaur egun 160 daude atxikita.