Bizikletendako aparkaleku publiko babestu eta txandakakoen NBICI - BIZIZ sarea - Informazio orokorra

Bizikletendako aparkaleku publikoen zerbitzu bat da, modulu estaliez osatua, sarbide-kontrolarekin, bideozaintzarekin eta ibilgailu mota horiek aparkatzeko prestatuta.

IRUÑEKO APARKATZE-MODULUAK:

Emilio Arrieta kalea (zezen-plazaren ondoan).
Protomedikutzaren plaza, Nafarroako Ospitalegunearen eremuan (lurpeko aparkalekuaren gainean).
Arriurdiñeta plazan (Txantreako liburutegi publikoaren ondoan). Erabilera mistoa, txandakatzezkoa eta egoiliarrena.
Yanguas y Miranda kalea (autobus-geltokiaren ondoan).
Ezkirotz kalea (Iturramako Civivoxaren ondoan).
Pérez Goyena pasealekua (Nafarroako Liburutegi Nagusiaren ingurua).
García Ximénez (autobus-geltoki zaharraren ondoko oinezkoen eremua).
Iratxeko Monasterioa (ibarraren ondoan). Erabilera mistoa, txandakatzezkoa eta egoiliarrena.
Takonera kalea (San Lorentzo elizaren parean).
Europa plaza.
O-ko parkea, Santa Vicenta María kalearekiko elkargunean.
Maiteminduen parkea, Otsagabia kalearekiko elkargunean.

IRUÑERRIKO APARKATZE-MODULUAK (HITZARMENA HAINBAT UDALERRIREKIN):

Euskal Herria plaza (Berriozar).
Erreniega parkea (Zizur Nagusia).
Gazolazko bidea (Zizur Nagusia).
Espainia etorbidea (Sarriguren).
Jorge Oteiza etorbidea (Sarriguren).


ORDUTEGIA: eguneko 24 orduetan, asteko 7 egunetan.

NOLA FUNTZIONATZEN DU:
Aldez aurretik alta eman behar da zerbitzuan, http://www.pamplona.es/Nbici webgunearen edo Nbici-Biziz aplikazioaren bidez. Automatikoki sarbide-kode bat emanen da.
Alta izapidetu ondoren, sartzeko hiru modu daude:
Sarbide-kodearekin: botoitegian sartuta, atea irekitzeko.
Telefonoz: aparkaleku bakoitzean inprimatuta dagoen zenbakira doan deituta. Okupatuta dagoela adierazten duen seinalearen ondoren, teklatuko kanpaia sakatzen da eta atea irekiko da.
Online: NBici-Biziz aplikazioan sartuta, nahi den aparkalekuaren gainean klik eginda eta «atea» botoi biribila sakatuta.

ZENBAT BALIO DU: 2 euro hilean; horrek aukera ematen du bizikleta aparkalekuetan gehienez 48 ordu jarraituko aldietan uzteko. Denbora horretatik aurrera, bizikletak aparkatuta jarraitzen badu, 50 zentimoko kostu gehigarria izanen du orduko. Erabiltzaile batek bizikleta aparkaleku batetik ateratzen duenean, gutxienez hamar minutu igaro beharko dira, berriz sartzean denbora-tarte berri bat zenbatzen hasteko.

ARGIBIDE GEHIAGO: 948-420974.

INAUGURAZIOA: 2020ko urtarrilaren 24a.