NAN indarrean edukiz gero zer herrialdeetara bidaia daitekeen

EUROPAR BATASUNEKO HERRIALDEAK: Alemania, Austria, Belgika, Bulgaria, Zipre, Kroazia, Danimarka, Eslovenia, Estonia, Finlandia, Frantzia, Grezia, Hungaria, Irlanda, Italia, Letonia, Lituania, Luxenburgo, Malta, Herbehereak, Polonia, Portugal, Txekiar Errepublika, Eslovakiar Errepublika, Errumania eta Suedia.

BESTE HERRIALDE BATZUK: Albania, Andorra, Jugoslaviako Errepublika ohi Mazedonia, Bosnia eta Herzegovina, Georgia, Islandia, Liechtenstein, Moldavia, Monako, Montenegro, Norvegia, San Marino, Egoitza Santua, Serbia eta Suitza.

ABISUA: 2021eko urriaren 1etik NANak ez du balio Erresuma Batuan sartzeko bidaia-agiri gisa, «EU Settlement Scheme» erregistroan agiri hori erabili duten pertsonendako izan ezik; haiek 2025eko abenduaren 31ra arte erabiltzen jarraitzen ahalko dute.

OHARRA: adingabeek, bakarrik edo beste pertsona batzuekin bidaiatuz gero, NANaz gain adingabearen legezko ordezkarietako edozeinen baimena beharko dute. Baimena edozein polizia-etxetan, Guardia Zibilaren postutan, epaitegitan, notariotzatan eta udaletxetan egin daiteke. Gainera, gurasoek edo tutoreek ahaidetasun-harremana edo tutore izaera egiaztatu behar dute, horri buruzko edozein agiri ofizial aurkeztuta.
Agiriak izapidetzeari edo beharrezko baldintzei buruzko zalantzarik izanez gero, lurralde osoan banatutako Polizia Nazionalaren espainiarrendako dokumentazio-bulegoetako batera jo behar da.

Informazio hau orientagarria da. Argibide gehiago lortzeko, kontsultatu herrialdekako bidaia-gomendioak Kanpo Arazoetako eta Lankidetzako Ministerioaren webgunean.