Iruñeko Mugikortasun Behatokia - Iruñeko Udala

HELBURUA: foroa hirian bizikletak garraiobide gisa duen egoera aztertzeko sortu da, erabiltzaile-kopuruari, dauden bizikleta-bideen sareari, aparkalekuei edo segurtasunari dagokienez, besteak beste.

OSAERA: Iruñerriko udalerri guztiek, Mankomunitateak, bizikletaren munduarekin lotutako elkarte eta entitateek eta ekologistek, Hiri Ekologiako eta Mugikortasuneko eta Herritarren Segurtasuneko eta Elkarbizitzako alorretako, Hiri Kontserbazioko, Proiektuetako eta Agenda 21eko teknikari eta udal-arduradunek, DGTk, Nafarroako Kirolaren eta Gazteriaren Institutuak eta hiru unibertsitateek osatzen dute.

FUNTZIONAMENDUA:
Maila teknikoa, informazioa, estatistikak edo azterketa kuantitatiboak egiteko.
Informazio-maila, informazioa komunikatuz eta zabalduz hedabideen eta Interneten bidez.
Partaidetza-maila, eztabaida-bileren bidez.
Behatokia, beraz, herritarren parte-hartzerako, kontsultarako, eztabaidarako eta proposamenetarako gunea da.

BILKURAK: Behatokia urtean bitan gutxienez bilduko da.