SEMAFORO-INSTALAZIOA ETA CCTV KAMERAK

2019an, 500 semaforo konpondu dira istripuen eta instalazioetako matxuren ondorioz (semaforoak, CCTV kamerak, zutoin pneumatikoak, zinemometroak eta neurgailuak). Urtarrilean eta maiatzean izan zen intzidentzia gehien (72 eta 86, hurrenez hurren).

Jarduketa nagusiak, besteak beste:

• Komunikazio-sistema zuntz optikora aldatzea Buztintxuri – Sanduzelai pasabideko hiru kameratan, eta komunikazio-sistema aldatzea Sanduzelaiko eta Fleming Doktorearen kaleko erreguladoreetan.
• Hiru semafororen instalazioa Katalunia Kalean (bi, Mutiloabeiti kalearen gurutzean, eta, bat, Down-en Sindromearen Elkartearen ondoan).
• Semaforo-instalazioa pultsadorea sakatuz eragiten diren oinezkoendako lau pasabidetan, Sadar kalean (Sadar estadioaren eta Nafarroa Arena pabiloiaren aurrean).
• Kamera instalatzea, Nafarroa Behereko etorbidean (Apaizgaitegia), segurtasun-uhalaren erabilera kontrolatzeko etc.
• Katalunia kalearen eta Mutiloabeiti kalearen arteko erreguladorearekin komunikatzeko zuntz-linea.
• Sanduzelai etorbideko erreguladoreen komunikazio-sistema zuntz optikora aldatzea, eta Landaben-Orkoiengo erreguladorea zentralizatzea.

SARBIDE MURRIZTUKO EREMUKO IZAPIDEAK (ALDE ZAHARRA ATSEGINAGO EGITEA)

Hiriko Alde Zaharreko sarbideak matrikulak irakurriz kontrolatzeko ezarritako sistema (zutoin pneumatikoen ordez) nabarmentzen da. Erabat eraginkorra izan dadin, kamerak ezarri dira auzoko sarrera eta irteera guztietan. Kontrolgune hauek daude: Nagusia-Basotxoa (sarrera-irteera), Kale Berria (sarrera), San Anton-Navas de Tolosa (irteera), Sarasate pasealekua-Navas de Tolosa (irteera), Sarasate pasealekua-San Ignazio (sarrera), Espoz y Mina (sarrera), Estafeta (sarrera), Labrit- Mesedeetakoa-Artzapezpikutza (sarrera), San Agustin (irteera), Karmen (sarrera-irteera), Santo Domingo (sarrera) eta Hezkuntzako aparkalekua (irteera).

Udalak TOK TOK izeneko aplikazioa ezarri zuen sarbide horiek erregistratzeko.

SARBIDE MURRIZTUKO EREMUKO IZAPIDEAK	2017	2018	2019
Izapide informatikoak	38.604	105.591	139.561
Sarbide iraunkorrerako baimena	13.172	5.080	4.610
Unean uneko eta aldi baterako sarbiderako baimena	10.425	82.754	80.129+28.036
Tratatutako erregistro-eskaerak	351	146	135
Izapidetutako zinegotzi-ebazpenak	165	49	189

APARKATZE ARAUTUKO TXARTELAK ETA TAO TOKIAK

TAOk araututako aparkatze-tokien kopurua: 20.071. Horietatik, 9.317 urdinak dira; 306, gorri-berdeak; 335, berdeak; 28, gorriak, eta 10.085, laranjak.

2019an, 28.475 bizilagun-txartel eta 721 jarduera-txartel egin ziren.

SEKTOREA	BIZILAGUN-TXARTELAK	JARDUERA-TXARTELAK
1 ( Alde Zaharra)	2434	1
2 (Zabalgunea)	5117	53
3 (Arrosadia-Azpilagaña)	4048	51
4 (Iturrama)	6.785	261
5 (Mendebaldea-Erripagaña-Etxabakoitz Iparraldea)	5.212	176
6 Donibane	4.879	179
GUZTIRA	28.475	721

SEINALE HORIZONTAL ETA BERTIKALAK GALTZADAN

Jarduketa nagusiak, besteak beste:

• 600 seinale bertikal baino gehiago paratu eta eguneratu dira, batez ere S-13 (oinezkoentzako pasabideak) eta S-17 (ezinduentzako aparkalekuak) seinaleak.
• 10 ispilu ganbil jarri dira, zirkulaziora modu seguruan biltzeko.
• Oinezkoentzako 70 pasabide baino gehiago berritu dira.
• 30 kuxin berlindar paratu dira, trafikoaren abiadura murrizteko, betiere Eskualdeko Hiri Garraioaren barruan jauzirik eragin gabe.
• Bidegorriaren muga-bereizgarrien (Mompe modelokoak) 600 unitate baino gehiago paratu dira, ibilgailuek bidegorria har ez dezaten eta txirrindulariari segurtasun handiagoa emateko, malda leuna baitu isurialdean.
• 300 mugarri zilindriko baino gehiago birkokatu dira bidegorrian, batez ere Pio XII.ean.
• Oinezkoentzako pasabideetan 200 egokitzapen baino gehiago egin dira Iturrama eta Arrotxapea auzoetan, gidariak oinezkoa ikustea galarazten duten elementuak (eta alderantziz) erretiratzea aurreikusten duen araudiari jarraikiz.