Adinekoen aldeko Donibaneko Ituna

HELBURUAK: adinekoei arreta bermatzea osasun-, gizarteeta komunitate-zerbitzuetan; adinekoen gaitasun funtzionala eta bizi-kalitatea hobetzea; arriskuan dauden adinekoak atzemateko sistema eraginkorrak bultzatzea; bizi-kalitatea hobetzea eta zaintzaren eragina murriztea; zaintzailearendako laguntza-zerbitzuak bultzatzea; biztanle horiei ekonomiaeta finantza-aholkularitza ematea; adinekoei tratu ona ematea sustatzea eta abusu-egoerei buruzko gizarte-kontzientzia handitzea; ingurune garbi eta osasungarriak, inklusiboak eta seguruak sortzea; norberaren etxean zahartzea sustatzea; adinekoek aisia-jardueretan eta ekitaldi orokorretan parte hartzea sustatzea; eta adineko biztanleriaren beharrei eta zahartzearen determinatzaileei buruzko ikerketa sustatzea.

PARTE HARTZEN DUTEN ENTITATEAK: Anaitasuna Kirol, Kultur eta Josteta Elkartea, Donibane Kirol Elkartea, Martín Azpilcuetako Merkatarien Elkartea, Donibane/Ermitagaña/Mendebaldeko Merkatarien Elkartea, Yamaguchi liburutegia, Donibaneko Cáritas, Donibaneko Osasun Zentroa, Oskia erretiratuen elkartea, Donibaneko Auzoko Zinegotzigoa, DYA Navarra, Donibane auzoko farmaziak, Nafarroako Kutxa Fundazioa, Nafarroako Psikologia Elkargoko Zahartzearen Lantaldea, Donibaneko Auzoko Polizia, San Juan Xar, Solera Asistencial, Donibaneko Auzo Unitatea, Beti Norbaitekin programa, Kiroleta gizarte-errezeta eta Ekintza Komunitarioko Unitatea, adinekoak.

JARDUERAK: aisia-, kirol-, teknologia berrietako edo memoria lantzeko lantegiak; adinekoek beren ezagutzak belaunaldi berriei helarazteko hiri-baratze bat sortzea; jubiloteka bat; denboraren banku bat; edo adinekoendako puntu beltzen mapa diseinatzea, irisgarritasunaren eta segurtasun fisikoaren ikuspegitik. Yamaguchi liburutegian eta Civicanen, etxez etxeko mailegua edo telefono bidezko irakurketak, teknologietarako sarbidea erraztea helburu duten aurrez aurreko prestakuntza-jarduera berriekin batera.

JARDUEREN PROGRAMA: hiruhilekoaren araberakoa.