POTEnT proiektu europarra
Aurrekontua: 4.000,00 €
Proiektugileak eta laguntzaileak: Iruñeko Udaleko Energia Agentzia.
Kokapena: Armada etorbidea 2, 9. solairua.
Posta-kodea: 31002
Public Organisations Transform Energy Transition (POTEnT) (https://www.interregeurope.eu/potent/) proiektuak aurrerapausoa egin nahi du, eskualde elkartu bakoitzean 2023rako aurreikusi edo espero dena baino % 10 karbono-murrizketa handiagoa lortze aldera, agintari publikoek ematen dituzten energia-zerbitzuen hobekuntza bidez. Proiektua Interreg Europe programak finantzatzen du. Hona proiektuaren bazkideak:
- Energy and Climate Local Agency of South Brittany (ALOEN) Municipality
- Iruña Municipality
- Milton Keynes Municipality
- Ostrava Municipality
- Energy Agency for South-East Sweden
- Tartu Energy Agency
- Ettlingen Stadtwerke
- Erasmus University
Hauek dira emaitzarik ikusgarrienak:
- Jardunbide egokiak bildu eta erregistro batean jasotzea.
- Gaikako ekitaldiak antolatzea.
- Tokiko eragile nagusiekin aholkularitza-jardunaldiak antolatzea, Erasmus University-rekin batera (NL).
- Eskualde elkartu guztietan azterlan-bisitaldiak antolatzea eta gainontzeko kideen ordezkariak haietara bertaratzea.
- Eskualdeetan jarduteko planak prestatzea.
- Eskarmentu handiko eragile nagusiendako maisu-eskolak antolatzea, Bruselan.
- Eskualdeko eragile nagusien taldeak sortzea.
- “Import Workshops” delakoak antolatzea, beste eskualde elkartu batzuen jardunbide egokiei jarraitzeko.
- Hedapen-mintegiak antolatzea bilera bakoitzean tokiko eragileendako.
- Ekarpenak egitea Interreg Europe programaren politikak ikasteko plataformarako.
- Europa mailan mintzaldi bat antolatzea.
2019a abiapuntu-urtea izan da, proiektuan engaiatutako bazkideek Lorient-en (Frantzia) egindako topaketa baten bidez. Iruñean egindako jardueretan, bereziki bi azpimarratu behar dira:
- Tokiko StakeHolders Taldea. Harremanak finkatu dira hala tokiko eragileekin (barnekoak zein kanpokoak) nola eskualdeetako garrantzitsuenekin, energia-esparruaz eta proiektuaren helburuez bezainbatean.
- Gaikako Ekitaldia. Proiektuaren lehen ekimena Iruñean egin zen, azaroan; proiektuaren bazkide guztiak eta haien StakeHolders-ak bertaratu ziren. Europa osoko 40tik gora lagunek parte hartu zuten topaketan. Bi egun oso izan ziren eta adituen mintzaldiez gain talde osoak egin zuen barne-lana.