Hegaztiendako babeslekuak (habia-kutxak)
Aurrekontua: 8.076,75 €
Enpresa esleipendunak: Ilundain fundazioa. Esclavas del Sagrado Corazón. Monjardín lizeoa. San Jorge IP
Proiektugileak eta laguntzaileak: Tokiko Agenda 21
Kokapena: Iruña
Posta-kodea: 31001
Habia-kutxa teknika bat da, hegazti eta ugaztunen espezieak “birkolonizatzeko” aukera hobetu eta handitzeko erabiltzen dena eremu degradatu eta narriatuetan. Horretaz gain, habia-kutxak erabiltzeak datuak ematen ditu biologiaren zenbait alderdi zientifikotarako, bertan diren espeziei buruz, eta tresna erabilgarria dira ingurumen-hezkuntzako jarduerak garatzeko. Hona hemen proiektuaren helburuak:
- Izurrien kontrola. Belatz gorriak, apo-hontz europarrak eta hegazti intsektiboroek (amilotxak, kaskabeltzak, txantxangorriak, urtxoriak, gerri-txoriak, etab.) eta halako tokiko espezieek izurrien murrizketan egindako kontrol biologikoa; ezpel-beldarra, indi gaztainondoaren kameraria eta lursagua.
- Habia-kutxen jarraipena: Kutxen erabilera/eraginkortasuna, hegaztien populazioaren bilakaera zein eraztuna jartzearen baliagarritasuna ezagutzea, biodibertsitatearen adierazle baitira. .
- Ingurumen-hezkuntza: Habia-kutxen lantegien bidezko parte-hartze aktiboa ezinbestekoa da ikasleengan sustatzeko natura kontserbatzen laguntzeko jakin-nahia eta errespetua. Horrek aztura-aldaketak ekar ditzake, bai eta ingurumeneko lanaren garrantzia goratzea ere.
- Gizarte-egoera zailean dauden gazteen gizarteratze eta laneratzea
Belatz gorria. Egilea: Leticia Romeo. Eskuinean, paridoen habia-kutxa Egilea: Itsaso Bidegain.
PROIEKTUAREN FASEAK
1. HABIA-KUTXAK EGIN ETA JARTZEKO LANTEGIA
- 5 kutxa belatz gorrientzat
- 21 kutxa paridoentzat, 4 ikastetxerekin elkarlanean
- Espezieei buruzko hastapenak.
- Kutxak muntatzea.
- Kutxak jartzea.
- Ikasle-kopurua: 309
Kutxa prestatuak. Eskuin aldean, kaskabeltz handia, Leticia Romeorena.
2. AZTERKETA
- Apo-hontz europarraren 30 kutxa: Guztiak egoera onean.
- % 40 paridoek (kaskabeltz handia eta amilotx urdina) eta buztangorri ilunak erabili dituzte, eta horrek handitu dezake hurrengo urtean hori apo-hontzak erabiltzea.
- Belatz gorrien kutxa 1, aurreko urtean jarritakoa.
- Paridoen 89 kutxa: 83 kutxa egoera onean, eta 6, lapurtuta.
- % 40 okupatuta.
- % 5,6 ugalketa-arrakastarekin.
- Txiten %4,5, hilik.