Udalaren Iradokizun eta Erreklamazio Batzorde Bereziaren Erregelamendua

XEDEA ETA OSAERA:
Batzordea udal-ordezkaritza duten talde politiko guztiek osatzen dute, proportzionalki, herritarren eskubideak defendatzeko.

HELBURUA:
Herritarren eskubideak defendatzea udal-administrazioarekiko harremanetan.
Administrazioaren jarduna gainbegiratzea.
Hobekuntza-ekintzak proposatzea eta herritarrek Erregelamenduan xedatutakoarekin bat helarazten dizkioten kexei buruzko informazioa ematea.

NOLA AURKEZTU IRADOKIZUNAK ETA ERREKLAMAZIOAK:
Herritarrendako Arreta Bulegoan, inprimaki bidez.
Iradokizunak eta erreklamazioak aurkezteko behar diren aplikazio elektroniko, informatiko eta telematikoen bidez.
Kanpoan gelditzen dira eduki ekonomikoa duten guztiak, irekita dagoen prozedura judizial bati buruzkoak direnak edo udal-egintza bat berrikustea xede dutenak.
Herritarrak bere iradokizunari edo erreklamazioari erantzuna jaso nahi badio, izena eta helbidea, NANa edo baliokidea eta sinadura jarri behar ditu.

NON AURKEZTU IRADOKIZUNAK ETA ERREKLAMAZIOAK:
Herritarrendako Arreta Zerbitzuan.
Iruñeko Udalaren edozein erregistrotan.
Horretarako gaitzen diren bitarteko informatiko, elektroniko edo telematikoen bidez; Herritarrendako Arreta Zerbitzuari helaraziko zaizkio.

TRAMITAZIOA:
Herritarrendako Arreta Zerbitzuak hiru hilean behin bidaltzen dio Iradokizun eta Erreklamazio Batzorde Bereziari izandako erreklamazioen eta iradokizunen zerrenda, ukitutako zerbitzua, egindako izapideak eta zerbitzuak hartutako edo proposatutako konponbidea, halakorik bada, adierazita.
Erreklamazio edo iradokizun bat aurkeztu eta ebazpena gogobetegarria izan ez bada, edo erregistratu zen egunetik bi hilabeteko epean erantzunik jaso ez badu, kexa aurkeztu ahal izanen zaio Iradokizun eta Erreklamazio Batzorde Bereziari.

INDARREAN SARTZEA: 2008ko azaroaren 4a.

BON 128 del 20/10/08.