Iruñeko Udalean ezkontza zibila egitea - Informazioa

Ezkontza zibilaren espedientea ezkontideetako bat erroldatuta dagoen herriko Erregistro Zibilean edo Bake Epaitegian izapidetzen da, hala badagokio (doako izapidea). Notariotza batean ere izapidetu daiteke (izapide ez-doakoa).

Ezkontza zibila (Kode Zibileko artikuluak irakurtzea, ezkontideen adostasuna, ezkontza egin izanaren adierazpena eta aktak sinatzea) Epaitegian, notarioaren aurrean edo udal batean egin daiteke (ezkontideek aukeratuta eta Erregistro Zibilean, Bake Epaitegian edo notariotzan hasitako espedientearen izapidea amaitu ondoren).

Edozein pertsonak egin dezake bere ezkontza Iruñeko Udalean, udalerrian erroldaturik egon edo ez.

Ezkontza Iruñeko Udalean egitea eskatuz gero, bi prozedura mota daude: prozedura azkarra (ekitaldi publikorik gabe) eta prozedura arrunta (ekitaldi publikoarekin).

EKITALDI PUBLIKORIK GABE (EZKONTZA AZKARRA):
Udaletxean horretarako prestatutako bulego batean (sarrera Donejakue plazatik).
Hileko lehen ostiral baliodunean egiten dira, 11:30etik 13:30era.
Hizkuntza: ezkontideek hizkuntza aukeratu dezakete (gaztelania edo euskara).
Mahaiburua: aste horretarako izendatutako zinegotzia (ezin da aukeratu).
Gehieneko iraupena: 15 minutu.
Ezkontideak eta bi lekuko baino ez dira joaten.
Kode Zibileko artikuluak irakurtzea, adostasuna ematea eta aktak sinatzea baino ez ditu barne hartzen.
Tasa: doan.
Ikusi "Ezkontza zibila Iruñeko Udalean Eskaera" fitxa erlazionatua.


EKITALDI PUBLIKOAREKIN:
Ziudadelako esparruan (Lidia Biurrun aretoa).
Ostiraletan 18:00etatik 20:00etara eta larunbatetan 12:00etatik 13:30era egiten dira (maiatzetik urrira, larunbatetan ere 18:30etik 20:00etara).
2026an, egun hauek salbuetsita daude: maiatzaren 23a, 29a eta 30a; ekainaren 5a eta 6a; uztailaren 3a, 4a, 10a, 11, 17a eta 18a.
Gehieneko iraupena: 25 minutu (sartzen diren aldaketak, argazkiak eta sarbide-gunea hustea barne).
Hizkuntza: ezkontideek hizkuntza aukeratu dezakete (gaztelania edo euskara).
Mahaiburua: Udalbatzako edozein zinegotzi edo talde politiko, ezkontideek aukeratuta, betiere aukerarik badago.
Ekitaldia pertsonalizatu daiteke (musika, irakurketak, eraztunen trukea).
Gehieneko edukiera: 100 pertsona.
Ibilgailuekin sartzea: aurrez eskatuta, gehienez bi ibilgailu (ezkontideak) eta hirugarren bat (mugikortasun murriztua duten pertsonak) sartzea eta aparkatzea baimentzen da. Sarbidea: Armada etorbidetik.
Tasa: 104 euro (2026ko ordenantza fiskala, 17. zk. I. epigrafea).
Ikusi "Ezkontza zibila Iruñeko Udalean Eskaera" fitxa erlazionatua.

ARGIBIDE GEHIAGO:
Ezkontza zibilei buruzko informazioa: 948-420123.
Ekitaldia baino 45 egun lehenago gutxienez.
Agiri guztiak ezkontza baino 15 egun lehenago gutxienez aurkeztu behar dira.
Ezkontza-egunean lekukoren batek edo biek ekitaldira joaterik ez badute, lekuko berriak ekitaldia baino lehentxeago joan beharko dira, NANaren fotokopia batekin, eta dagozkien administrazioko langileengana aurkeztu.
Ezkontza egiteko baldintzak alda daitezke Iruñeko Udalari egotzi ezin zaizkion kanpoko gertakarien ondorioz.

BESTE DATU BATZUK:
Familia-liburua: Erregistro Zibila.
Ondasunen banantzea: notarioa. Ezkontza baino lehen edo ondoren egin daiteke. Ezkontideek agiriaren kopia bat helarazi beharko diote Iruñeko Erregistro Zibilari, ezkontza egin ondoren.