Iruña, ekintzaile: Aukerak egoera berrian

Iruña, Ekintzaile 2020 Udalak CEINekin elkarlanean sustatutako programa da, negozio-ideiez jabetu eta horiek garatu nahi dituzten pertsonei laguntza eta babesa ematea xede daukana; bereziki babestuko dira Covid19ak eragindako egoera honen arazoak konpontzen laguntzera bideratutako ekimenak, eta, are, antzeman daitezkeen balizko aukerei erantzutekoak ere.

 

Pamplona Emprende

 

SORTU ZURE PROIEKTUA

“Iruña, Ekintzaile 2020” programa enpresa-proiektu bat sortu, eraiki eta garatzen ikasteko prestakuntzaren bila ari diren pertsonei dago zuzenduta.

Programan parte hartzeko interesa dutenek formulario honen bidez eman dezakete izena, eta informazioa jasoko dute programaren garapenari buruz. Izena emateko epea ekainaren 20an amaituko da.

Programan parte-hartzea eskatzen dutenen artean 20 pertsona gehienez hautatuko dituzte, eta horiek irailetik abendura bitarte eginen den programan sartuko dira.

Hautatutako parte-hartzaileek ekintzailetza-proiektu bat sortzen eta egituratzen ikasiko dute, hura enpresa berri bat bilakatu dadin. Horretarako, laguntza jasoko dute ekintzailetza arloko CEINekoadituen eskutik eta kanpoko espezialistengandik, zenbait arlotan, hala nola marketin digitaleko estrategian eta salmentetan, besteak beste. Halaber, zenbait mentorek proiektuak babestuko dituzte eta feedback-a emanen diete, bideragarritasuna bermatze aldera.  

 

Master class online

Aurten, maiatz eta ekainean, aurreko edizioen aurrez aurreko ereduan ez bezala, edukiak online sortu eta doan banatuko ditugu CEINen bide ezberdinen bitartez.

Ekintzailetza arloko aditu garrantzitsu batzuek zenbait alderdi azalduko dizkigute, esaterako, erresilientzia, gure baliabideak eta kontaktu-sareak nola aprobetxatu ekiteko eta landu eta gaurkotuko ditugun intereseko beste zenbait gai.

Prestakuntza-saioek ezagutza, gogoeta eta inspirazioa dute xede.

Saioak osatzeko, bideoak ikusiko ditugu, eta hor zenbait enpresak beren negozio-ereduen berri emanen digute eta azaldu nola ari diren egokitzen egoera berri honetara.

“Iruña ekintzaile” ekimenaren aurreko edizioetako parte-hartzaile batzuek, halaber, beren testigantzak emanen dizkigute egungo egoerari aurre egiteko moduari buruz.

Programa

Maiatzak 4. Gizarte Berrikuntza krisi garaian. Hizlaria: Garbiñe Henry. Berrikuntza eta Ekintzailetzako zuzendaria. Deustuko Unibertsitatea

Maiatzak 18. Ekintzaile berriendako aholku nagusiak. Constance Lütolf-Carroll. ESADE Business Schooleko Zuzendaritza Orokorreko eta Estrategiako Departamentuko irakasle elkartu seniorra Ramón Llul unibertsitatean

 

Ekainak 8. Aukerak identifikatzea testuinguru berri batean. Mª Julia Prats. Ekintzailetza-ekimeneko departamentuko zuzendaria da, eta IESEren Enpresa-ekimeneko Bertrán Fundazioaren Katedrako titularra