Adinekoak

Iruñeko Udalak diagnostiko kuantitatibo bat egin du, adinekoen egoerari buruz, hiriko hamabi auzoetan: Azpilagaña, Buztintxuri, Alde Zaharra, Zabalgunea, Ermitagaña-Mendebaldea, Etxabakoitz, Iturrama, Mendillorri, Milagrosa-Arrosadia, Arrotxapea, Sanduzelai eta Txantrea.

Diagnostikoetan, adierazle soziodemografiko nagusiak identifikatuz eta aztertuz argazki bat zehaztu nahi izan da, honako hauen balorazioa egiteko: auzo bakoitzak esparru honetan dituen defizitak, indarguneak, gabeziak eta gaitasunak. Azterlanean, hainbat datu txertatu dira adierazle batzuei buruz: zahartze-prozesua, biztanleria-egiturako aldaketak, zahartzearen feminizazioa, bakarrik bizi diren pertsonak eta adineko atzerritarrak. Beste zenbait datu ere hartu dira kontuan, hala nola egoera ekonomikoa eta pobrezia-arriskua, adinekoen laguntza-baliabideetarako eskuragarritasuna, hezkuntza-maila eta auzo bakoitzak dituen zerbitzuak eta ekipamenduak. 

Ekainaren 15ean, Iruñeko Udalak lankidetza-hitzarmen bat sinatu zuen Itxaropenaren Telefonoarekin 65 urtetik gorakoei zuzendutako laguntza psikologikoa emateko programa bat garatzeko. Xedea da COVID-19aren osasun-krisiaren ondorio emozionalak gainditzen laguntzeko doako zerbitzu kualifikatu bat eskura jartzea. 

Laguntza psikologiko eta emozionala emateko programak bi ekintza-ildo izanen ditu. Lehenengo ildoan, banakako aholkularitza telefonikoa eskainiko da, eta haien zaurgarritasun-egoeraren ondorioz arreta pertsonalizatuagoa behar duten pertsonei aurrez aurre emanen zaie arreta, banaka edo taldeka.

Bigarren jarduketa-ildoak hainbat lantegi izanen ditu ardatz, honako hauen inguruan: ongizate emozionala, estresaren kudeaketa, bizi-ohitura osasungarriak, antsietatearen prebentzioa, pertsonen arteko komunikazioaren hobekuntza, insomnio edo depresioa eta abar. Doan izanen dira, eta udal-lokaletan eginen dira. 
 

“La Caixa” Fundazioko Adinekoen programak Beti Norbaitekin programa abiatu du, xede daukana adinekoen arteko laguntza- eta ongizate-harremanak bultzatzea pertsonak ahaldunduko dituen esku hartze baten bidez, bakardade-egoerak gainditu, komunitatea engaiatu eta herritarrak sentsibilizatzeko.

Iruña, beste hiri batzuekin batera: Zaharrekin adeitsuak diren hirien sarea

Adinekoen Udal Kontseilua zaharren beharrei erantzuteko irtenbideen trukea, bateratzea eta gauzatzea sustatzeko organoa da. Herritar hauen parte-hartze aktiboa ahalbidetu nahi da, gizarte-, politika- eta kultura-esparruetan; baita ere, hor gizarte-boluntariotza piztu eta bultzatuko duten jarduketak eta neurriak sustatu.

Iruñeko Udalak elkarte-erregistroa dauka, eta lege- zein teknika-aholkularitza, hitzaldiak, ikastaroak topaketak eta beste zerbitzu batzuk eskaintzen ditu elkarte-esparruari begira.