Usamos cookies propias y de terceros para mejorar la calidad de nuestros servicios. Si continua navegando consideramos que acepta el uso de cookies. Más información en Uso de cookiesx

Búsqueda avanzada
  1. Inicio
  2. Actualidad
  3. Iruñeko Udalak teknologia berriei buruzko doako 12 ikastaro eta sei tutoretza-saio telematiko eskainiko dizkie emakumeei, Ematic zentroan

Iruñeko Udalak teknologia berriei buruzko doako 12 ikastaro eta sei tutoretza-saio telematiko eskainiko dizkie emakumeei, Ematic zentroan

Gaur hasita eta apirilaren 10era bitarte eman daiteke izena 010 edo 948420100 udal-telefonoen bitartez, eta lekuak zozketa bidez esleituko dira

Gaur, martxoaren 26an, astelehenarekin, Ematic zentroan (Compañía k., 29) antolatzen diren gaitasun teknologiko eta digitaletan trebatu eta ahalduntzeko 12 ikastaroetan izena emateko epea zabaldu du Iruñeko Udalak. Adin guztietako emakumeei zuzenduak dira, informatika-ezagutzak izan zein ez, hainbat maila eta iraupenetakoak. Apirilaren 10era bitarte, asteartearekin, eman daiteke izena. Iruñean erroldatuta daudenek lehentasuna izango dute, eta lekuak zozketa bidez esleituko dira.

IKTen inguruko hastapen-mailako bost ikastaro eskainiko dira, 60 urtetik gorako emakumeendako, non ikasiko baitute erabiltzen tableta eta Windows 7 duten ordenagailuak, Interneten nabigatzen, Interneten bidez buruari eragiten eta smartphoneari ahalik eta etekin handiena ateratzen. IKTen prestakuntza aurreratua nahi duten emakumeendako, testu-editoreak zein kalkulu-orriak erabiltzen eta album digitalak sortzen sakontzeko ikastaroak eskainiko dira. Halaber, maila aurreratuko beste ikastaro batzuetan irakatsiko zaie ahalik eta etekin handiena ateratzen telefono adimendunari, tabletaren erabilerak eta funtzionaltasunak ezagutzen, egiaztagiri digitala eta sinadura elektronikoa erabiltzen eta fitxategi eta programekin (instalazioa eta desinstalazioa) lan egiten. Gainera, sei tutoretza-saio telematiko egongo dira, unean-unean, whatsapp, Googleren egutegia eta smartphoneko argazkiak kudeatzean ikasteko.

Interesa duten emakumeek izena eman beharko dute 010 Herritarrendako Arreta Telefonoan (948 420 100, Iruñeaz kanpotik, mugikorretik edo telefono-operadore baten tarifa lauaren barruan deitzen bada). Arreta-ordutegia 08:00etatik 19:00etara da. Argibide gehiago eskura daitezke www.pamplona.es webgunean, 948224594 telefonoan eta zentroan bertan (Compañía k. 29).

Udal baliabide honek ere aukera ematen du ordenagailuak eta Internet modu librean erabiltzeko, zalantzak argitzeko laguntzarekin, @CCEDETIC programari esker. Zentroa astelehenetik ostiralera dago zabalik, 10:00etatik 13:30era eta 16:00tatik 19:30era; eta larunbatetan, 10:00etatik 13:00etara.

Zentroaren helburuak dira urratsak egitea berdintasuna erdiesteko bidean eta gizon eta emakumeen arteko arrakala digitala txikitzea, eta horretarako adin guztietako emakumeen eskura jartzen ditu IKT baliabideak eta zerbitzuak. Hori horrela, Udalak zenbait ekimen bultzatzen ditu, xede dutenak emakumeen desabantaila desagerraraztea Internetaren, ordenagailuaren, sare sozialen eta mugikorren erabileraz bezainbatean; izan ere, desbantaila hori ekonomia, politika, gizarte, kultura edo lan arloetan ematen diren bestelako desparekotasunei gehitzen zaie.

Iruñean, 2018ko martxoaren 26an

Buscar en las noticias

Cuándo (Desde / hasta):

Nos importa tu opinión

Valora la página:

El Ayuntamiento te escucha

Servicio de atención telefónica 010

948 420 100 para llamadas fuera de Pamplona o desde móviles

© Ayuntamiento de Pamplona. Plaza Consistorial s/n 31001 - Pamplona (Navarra) - 948 420 100 - pamplona@pamplona.es


Compártelo

  • Technosite certifica accesibilidad según WCAG 1.0 del W3C/WAI con su Nivel de conformidad Doble-A
  • Estudio Intersectorial de Accesibilidad en la Web realizado por Discapnet
  • Icono de conformidad Nivel Doble-A, W3C-WAI pautas de accesibilidad a los contenidos de la Web 1.0 del W3C-WAI