Usamos cookies propias y de terceros para mejorar la calidad de nuestros servicios. Si continua navegando consideramos que acepta el uso de cookies. Más información en Uso de cookiesx

Búsqueda avanzada
  1. Inicio
  2. Actualidad
  3. Javier Poveda artista iruindarrak Ziudadelako Labean aurkeztu du haritzaren zur polikromatuan egindako lana, enborretik bertatik sortua

Javier Poveda artista iruindarrak Ziudadelako Labean aurkeztu du haritzaren zur polikromatuan egindako lana, enborretik bertatik sortua

Cornelius erakusketa Laberako berariaz sortua da, eta martxoaren 18ra arte, igandearekin, egongo da ikusgai

Zur polikromatua, irudiak, espazioa, hutsunea, itzalguneak... Javier Poveda artista iruindarrak Ziudadelako Labean paratu du ikusgai Cornelius, haritzaren zur polikromatuan egindako lan bat, zeina argi-joko baten bitartez aurkezten baita. Formatu txikiko eszena bat da, non egileak espazioa eta forma ikertzen baititu zuraren bidez. Erakusketa gaurtik hasi eta martxoaren 18ra bitarte egongo da ikusgai.

Kultura eta Hezkuntzako zuzendari Maitena Muruzabalek eta Javier Povedak berak aurkeztu dute, gaur goizean, Ziudadelako Labeko zirkulu-formako espazio horretarako berariaz sortutako erakusketa. Ikusgai jarri den pieza zurarekin egindako lan-ildo baten barruan egindakoa da; izan ere, horren bi serie, Haritza 1 eta Haritza 2, 2017ko azaroan egon ziren ikusgai Iruñeko Arte Eskolako erakusketa-aretoan.

Haren lanetan Povedak ikasitako zaintzatik eta errespetutik abiatuta lantzen du materiala (zura), azken batean bukatutako obrari protagonismo estetikoa emanez. Hortik datoz zuraren jatorri den zuhaitzari, haritzari, egindako erreferentziak eta baita zura zizelkatzeko erabiltzen duen tresnan grabatuta agertzen den izenari ere, Cornelius. Sormen-prozesuari dagokionez, egileak garbikuntza ariketa bat bezala ulertzen du. Enborretik bertatik sortzen joaten dira piezak, ia zirriborratu eta aurrez pentsatu gabe. Hortaz, funtsean, intuiziotik eta materialak iradokitzen duenetik sortzen dira, ahal den neurrian buruko zarata sartzea ekidinez. Materialaren gaineko esku-hartzea ahalik eta txikiena da harik eta obra amaitutzat jo arte.

Haren obren aurrean, zarata eta apaindurarik gabeko agertokietan daude ikusleak. Pieza horien isiltasunaren bidez mezua modu sotilago batean igortzen da, frekuentzia baxuago batean, enborrek zedarritzen eta mugatzen dituzten agertokiek eta figuren artean dauden hutsuneek intentsitatea modulatzen dutelarik. Itxuraz garrantzirik ez duten une bat harrapatzen dute eskulturek, non denboraren benetako gabezia nabaritzen baita. Beste eszena batzuetan, aldiz, espazioa, hutsunea eta itzala agertzen dira baliabide gisa, gertatu zen horri buruz eta berehala heltzear dagoenari buruz hitz egiteko.

Javier Poveda (Iruña, 1982) Arte Eskolan ikasi zuen eskulturagintza. Artisau-lanetan hainbat denbora aritu ostean, eta batez ere, azken etapan, instrumentuak zaharberritzen, eskulturarekin hastea erabaki zuen, bere luthier tresnak erabilita eta zura xehetasunez lantzeko ezagutzak baliatuta. Haritza serieetan espazioa eta forma ikertzen ditu, zur mota bakoitzaren ezaugarriei eta propietateei lotuta.

Iruñean, 2018ko otsailaren 7an 2018

Buscar en las noticias

Cuándo (Desde / hasta):

Nos importa tu opinión

Valora la página:

El Ayuntamiento te escucha

Servicio de atención telefónica 010

948 420 100 para llamadas fuera de Pamplona o desde móviles

© Ayuntamiento de Pamplona. Plaza Consistorial s/n 31001 - Pamplona (Navarra) - 948 420 100 - pamplona@pamplona.es


Compártelo

  • Technosite certifica accesibilidad según WCAG 1.0 del W3C/WAI con su Nivel de conformidad Doble-A
  • Estudio Intersectorial de Accesibilidad en la Web realizado por Discapnet
  • Icono de conformidad Nivel Doble-A, W3C-WAI pautas de accesibilidad a los contenidos de la Web 1.0 del W3C-WAI